الشعريعني..وبعض احيان مايعنـي
والجرح ضيفاًسكن بي والحشا بيته
الشعرارضي..يوم أن الهم زارعني
الشعرنهراً..شربنـي يـوم صبيتـه
سهرت وجهي وكف الصبح يصفعني
كني بصمتي جرحتـه يـوم ناديتـه
ياماتحملـت فـي قربـك ولوعنـي
قلـت اتحلـم ببعـدك لـو عانيتـه
يلعن ابولحلم بس الحين طاوعني؟؟
لوادري انه بيصدق كـان صحيتـه
ماانته لحالك عشان تقـول بايعنـي
كثيركسرواذراعـي يـوم مديـتـه
اكـذب البعد..ليـن الهـم يقنعنـي
كني علـى كثرماذكرنـي تناسيتـه
قبل انتفارق وتنسى جرحي سمعني:
وش فايدة كل جرح فـي خليتـه؟؟
ماقلت لـك من"بعد"بعـدك يسنعنـي
هاالحين شفنـي عمافالليـل سريتـه
ضايع من الله وطاري البعد ضيعني
تبـي تدلـه وطالـع ويـن وديتـه
ياكبـر ظلمـك تسافـر ماتودعنـي
ماكنك اللـي ذبحنـي ليـن حبيتـه
كم قلت لك ياآدمي بعـدك يروعنـي
وياكـم جـرح يجينـي ماتحريتـه
اذكرني اليا نثرك الشوق واجمعنـي
واذكرني اليا حضنك اسمي وضميته
واذكرني الياذكرت الدمـع قطعنـي
وان مر في خاطرك رقمي ودقيتـه
الخميس نوفمبر 22, 2007 1:49 pm